En Xi Tikon Ngasandie Xi Fijendajo Xuta
Xi ijni ko katsenda kui naxinnda xikamatikoxtin kiania ijni xki jo ocham tjionjo,ngojo jan.nga tiesa nga kjafeta no ngomi nijam ocham yichan jin.
Nixitjon Tjindo
Ngo.-
Ngaxkotse, tsiee nga ndakuindo ngandindie xuta xitjindo ngasandie,tjinkjua nga ngandindie xuta ngondsejen xikotse xchandikon.
Jo.-
Xkotse nganianjin xki,kui en xi fijendajo xuta tikuini ni xitsja ngandie ngatatseen kotseen xuta,ko kuikjua nga kisijknia kui en,tsieenga kama kondakjua ko kama sian nixi mejena sian,ngojin xitjinkjua nga kuinchan dicona.
Jan.-
Xkotse tjinkjua nga kuindo xi skotsijen niximatsen xuta,tsiee nga ngojin xi tsjanie tsjafe.
Nijun.-
Ko titjinkjua nga siangaojo tsiee nda kua ko ndaskue xkjn ngandidie naxinnda xi tjindo ngasandie.
Un.-
Ngadindie nangi xi,xkotse ndsexa xtn xi ita en ngiy kui xujun,xkotse bakitso nga ngo ndsejen xo sian xki xi chjon ngojo xi xiin;kobaxotsen nga xkotse xtjo nikani yijo tsiee nga nda kuindo.
Jun.-
Ko baxokits nga skue ndikon ngandindie naxinnda ko ngatjatason nixi tsjats kui xujun.
Yito.-
Ko xkotse,tse kjuatason ndindie xo,nixi kjita kui xujun kjiaxo nga ndakue ko xchanga tjinia chjn kui en.
Jin.-
Kui xuta xi kamatikokoxtin askoya ko ijni kui kuak jintokon tsiee nga ngayijexo naxinnda xi seengao, ngojotse jxaa kiaxo skibeni nga xkotse skuendikon ngandindie nixindsen xuta xi ijni kui en,ngojo nanji xi yajandi kui naxinnda xi inda kuini.

Xki ngo.- 1
Nga ndindie xuta ngatsen dee ko ngondsejen ngatjin-kjua nga xchandinkon nta ngondsejen ngatjin kokjin-tokon,kotjinkjua nga takie engajan skuendinkon xkjin.
Xki jo.- 2
- Nga ndindie xuta xi fijendajo kui nixi kjita kui xujun ko batjits nga sianxo xki taya xutani,jminda-sen tajmi isieni xichaya, tse xiin ngojotse chjon-ndatse tajmn eni ximaa, tsebe nena ngojotse bejin, tse kie chjia ngojo tse kiejin chjia,tse tjinton ngojo tse jmijin,tse kie katsen ngojo tse kiejin katsen tikuixi basikojo tayani kui en xi kjita kui xujun.
- Koti kamajin tse sianjin xki ngo xuta xi batixuma ngo nangi xi besoba jin yijo ngojotse kaa nangi kjio,xkotse kuijin batixuma soba yijo,nta kio mia ton tsexkojo mini xi machjeen.
Xki jan.- 3
Ngadindie xuta tjinrikjua ngakuee isieen nixtin nga kuii tsamande ngojo jmikjuajin ngatjien kama nga kuindo,xkotse tsakjon kama nga kuindo.
Xki nijun.- 4
Nojin xi taxkiya sianxajo xkotse ngo cho,ngojotse-taxkiya seenkjiena, nta tanisie tjichjari kuini.
Xki un.- 5
Ngojin xi tasianjo kosianjo,tse taxkiya kueer ngo jee,ngojotse ngonixi tanisie chjokjingase nixi sianjo.
Nixi jun.- 6
Tayani tjinrikjua nga xchandikon,tajnia ngidieni.
Nixi yito.- 7
Ngandindie xuta nga fijendajo kjuakiti,nta ngo ndsejen nga tibakitonia.ko ngandindienia xkotse tsakotsijena ko fijendajo tsiee nga ngojin xi taseenjo koseenjona.kotsen jeri kjuakiti tsetjin xi faatjon kui en.
Xki jin.- 8
Ngandindie xuta tjinkjua nga kuijnia ngonditon tjitsjie,tsiee nga kosikojo yijo ko jminijin ndatse skue taya jaxani,nta tasakui kosikojo tsexkojo-ngoni xi ndajin kjii kjamateen.
Xki nijan.- 9
Tayajin xi taxkiya kondaba,ko see konangisieen ndobaya,ngojotse taxkiya kuiyo tjingir,majin nian kuini.
Xki tie.- 10
Ngayije xuta tjinkjua nga ngondsejen kuintiee tse ngo ndaxaa,tsienga kotsaya kokjiini xi matseen ngojo tsienga skue kokjii jexi kasako tse ngoni katsen.
Xki tiengo.- 11
1. - Ngadindie xuta xi kjifinie ngo je tjinkjua nga tj enyma sianjee,tjienga kjiyachichan kokjiin nixi katsen,nta batsen tsayaa kjuakiti nga majinma taxkiya majeri ngo xuta. 
2. - Majin taxkiya maje tay;a xutani tse jmij jinma kotimajin tse tsieton je koe ngije kasko ngoje. 
Xki tiejo.- 12
Tayajin xi taxkiya kama chokatsona tse ngiya ngichona ngojotse ngo xujun nchinangiya xingi kamajin tse tjinxi ta xkiya skixaa kui xujun ngojotse taxkiya ndajiji xuta tse katsona.jmin kjuajin nga tjin xi taxkiya seenxtina nta ngandi ndindie xuta xi fijendajo kjuakiti.
Xki tiejan.- 13
1. - Ngandindie xuta tjinrijua nga kuitsama chichan ngiya nangi niachjia,kotima batsiee ngojotse tsenda ndiya,tajnia nga mejenr kuijnia. 
2. - Taya xutani ma fatj nangi,kotima faengani tse xkojo mejen nga kosien ngani nangi. 
Xki tienijon.- 14
1. - Tse xkojo tjin xi tjinma tjinjina,ma mindise ko ngindie tsie nga jmmiijinxi tsabana,jmi ndasenjin tajnia nangini. 
2. - Kokui kjuakixi xi tsaya kui kjuakiti,kamajin tse kuitjatjon nta batse ijni ngayije naxinnda xi katsenda kui xujun. 
Xki tjion.- 15
1. - Nga yije xuta tjinrikjua nga kuee ngo nangi. 
2. - Tayajin xima miyotjingi ngindie,kotima jin tsexin ten kinchen tse kuin ngo xuta. 
Xki tjion ngo.- 16
1. - Kui ja xiin ngojo inchjn,ngeje facho noo tjinkjua ngakama kuixan ko kama kuee ndi,taxi kaskori nga kuindojo mijinibejin kjua kuini ko ngondsejen ngachjen nganda kuindo,kotse xikojo kuiindo xkjin ndajo nga, sian xki. 
2. - Kjiamatsi tse bakjii xi xichjon ngojo xiin kjiatsi nga manian ngo kjua bixan. 
3. - Kui xuta xi binda ngo ngindie,ko kuikjua nga chjenga ndaxchon, ko tjinkjua nga skon xtitjn. 
Xki tjion jo.- 17
1. - Ngadindie xuta chjenga kuee ngo ngandie,tse kijni ngojo tajminini,tse tsiee soba ngojotse seenxa xtn. 
2. - Ngo jinxi taxkiya kama kjuaaxin ngonixi tikon ngo xuta. 
Xki tjion jan.- 18
Ngayije xuta tjinkjua nga koxiee kokjintokon ngamatsen niximejen seen,tse skuenjin nena, ko ti baeri kjuanga tse kosikj kokjintokon taxkotsen mejenri nga skue ndikon nen.tse kjotsobaa soba ngojo tse xuta kjotsobajin, taxkotsen mejenr seen matsen nixi makjiin.
Xki tjion nijan.- 19
Tjinkjua nga seenkj ko kuichja ngayije xuta ko tikieni tsatsanga tayajin xima tsenxtina tangata tse kondakjua nixi makjina ngojo tse ngoxa xi kiniaan koma naxiee kuini tsiee nga ngatomabe taya naxidndani, kota jnia ngatjacho.
Xki kan.- 20
1. - Ngandindie xuta tjinriiiikjuakixi nga skoya ko kuiitiko xkjin nga tanga jmin kjuaxti kuejin. 
2. - Ngojin xi manian kjuaoo tse kie tintjejine tsekuin. 
Xki kan ngo.- 21
1. - Taya xutani tjinkjua nga seen tajmin xni xichjia xtitin. 
2. - Ngayije xuta tjinkjua nga kosienjin yije xamasien xitjin xtitjn xichjia nangi. 
3. - Kui nanxinnda xi batixumaa xuta xitjinxa ko ngatsie ngatsie tjinkjua nga kosikjo ngayije xuta xa. 
Xki kan jo.- 22
Ngayije xuta,xkotse ngakia batixuma ngaya ngo nangi tjikjua nga kosienijn xtitjn ngatsaa tse mindini xi machjen,xkotse ndiki, naxkiya,ngojo tajminini xi machjena nga tinchon tsienga ma xutana yijona.
Xki kan jan.- 23
1. - Ngayije xuta chjenga kuee ngo xaa xiseen kokui xibe mixa ximejen seen. 
2. - Tjin kjua ngondsejen kama chjii xuta tse tangotokoya xaxi ndsen,jmijinxi nka ko ngindie kamachi. 
3. - Chjenga nda kama chji ngayije xutaxi ndsenx,tsiee nga kamaxcha xuta tsiee ko tse minixi kjamaa tjinkjua nga kosikojo. 
4. - Tjinrikua ngayije xuta nga kuiitiko xkjin tsiee nga skantjejo xtinyijo tsemini xindajin kjii kjamateen. 
Xki kan nijun.- 24
Tjinkjua nga seen kjaya xuta nga kuitsama tsabe ngaa ko chiba ngatjabee nga seenx ko xki nga koe nga seen kjaya ngatamachji.
Xki kan un.- 25
1. - Ngayije xuta chjen nga nda kuindo,nga nda ngaskochi nixi skinie,ngatjaabe jniun xi kojaa,ngatjaabe ndiya,ngatama ndiki. Ko ti tjinkjua nga sian ndikii,tsexikojo jmixjin, ngojotse kamanima,tse kamaxian,tse kamaxcha ngojotse ngindi majin tsenxki sobaa yijo. 
2. - Ngadindie inchjn xi naa ngo jakjand,chjenga ndasian xki,tikuinii tse kia katsen ta namii ngojo naa,ngojotse katsen soba, chjenga ngo ndsen sian xki. 
Xki kan jun.- 26
1. - Ngandindie xuta chjenga kuitsama naxkiya ko jmikjuajin nga kamachjitjee kui naxkiya xitjon mintjaa.ko tanisie tjinri kjuao nga koje kui naxkiya ngayije xuta ngayije ximaf naxkiyaxi nka tanga machjitjee. 
2. - Kuinixi kjii nga tjinkjua nga kojee naxkiya tsiee nga kosikojo yijo xuta,ngojo tsieenga kamakjin yije xuta, tsieenga nda kuindo ko ngojin kjuaxti kue ngayije nanxinnda. 
3. - Kui nami ja kjand xibe mi naxkiya xi seenkj ndii. 
Xki kan yito.- 27
1. - Matsen ngandindie xuta nixi ndsen naxinnda kiania tjindo,kotse skochi nditon kjuao tjin nga ngayije xi siangason kui ton ngojot se minixi sko tangata xxi ndseen. 
2. - Ngayije xuta xi dsenda ni,xkotse entsats ngojo tse so ngojo tse kjaani,tjinkjua nga nda xchitsijen ndakamateen kui xuta. 
Xki kan jin.- 28
Tjinkjua nga ngayije xkotse seengao tsieenga kjuatason ko ngatama kixi kui enxi kjita kui xujun.
Xki kan nijan.- 29
1. - Ngandindie xuta xi tjindo ngo ngaya nangi tjinkjua nga see katjoson ngayije nixi kjama nta kie kjamaxcha yijo. 
2. - Ngeje tsetsen kjatjoson,nganda tsaba ko nga jmin kuaxtijin,jeje ndakjii ngabakjii,ko takuitsini xi skon yijo,nga tsani tsafejin kui ndiya kjuakiti.tsiee nganda kuijni kui xuta. 
3. [Art. 29.3 is not available] 
Xki ka ti.- 30
Kamajin tse batsen sian kjin tokon,tsetsara ngao ngo xuta, ngojotse ngonangi, tsiee nga taskitjee kui en tsekuin nta chjenxo nga kjotjason yije nixi kjita kui xujun.
