COPIRNORO'SA' NAPORINSOPITA YA'IPI PIYAPI NOYA YA'HUCAISO MAR'
SHA'HUICHINQUMA'
Ya'ipi piyapi'sa' noya ya'huina'. Ama incari tranta' topinan quran ana'inchinasohu'. Ina quran ya'ipi parti noya nini'thua' ya'hurhua huachi. 
A 'naqun piyapi 'sa' co nosorohuachinahu', chiniquen aparsitopi. A'na tahuri tpapi. Inaso' pa'pi co noyahu' tnhua'. Nonpiso mar', yonquipiso mar' Co ana'intacaso' ya'hurinhu'. Naporahuaton, ya'ipi piyapi ma'sha ya'huchina' Co nohuantrhuahu' a nayanqunpoatranta' pahuantinpoaso. 
Ya'ipi Copirnoro'sa' noya hua'anntinpoaso' ya 'hurin. Ama topinan quran ana'inchinpoasohu'. Topinan quran aparsitohuachinpoara, a'naqun chiniqun no'huihuachina yaahutopi. Ina quran a'na copirno acopi huachi. 
Ya'ipi Copirnoro'sa' noya nini'tona' ya'huina'. Ama nino'huiatonahu', ama quira niinasohu', tnhua'. Ya'nan niyontonhuaso' ninshitrhua'. -Ya'ipi piyapi 'sa' noya ya'huina', tnhua'. Qumapi'sa', sanapiro'santa' napopianachin Copirnoro'sari noya niina'. Ya'ipi piyapi'sa' catahua'hua' noya noya ya'hucaiso mar', tnhua'. 
Ya'ipinpoa' nani chinotrhua' piyapi'sa' catahuahuaso'. Ya'ipinpoa' noya nini 'thua', ya'hua'hua', ta'thua', nanan a'pa'hua' piyapi'sa' noya ya'hucaiso mar'. 
Napoaton iso quirica ninshitrhua' ya'ipi piyapi'sa' nitotacaiso mar'. 
HUA'ANO'SACOI NIYONTONPATOIRA 
sha'huitrai 
YA'IPI PIYAPI'SA' NOYA YA'HUINA' TNHUA'. Ya'ipi opirnoro'sa' inapochachi yonquiina'. Ya 'ipi escuelaro'saqu a 'chinchina'. Mashoro'santa' anitotacaiso' ya'hurin. Ina quran ya'ipinpoa' nitotohuathua', nicatahua'hua' noya noya nini'thua' ya'hucaiso mar 
1.
Ya'ipi piyapinpoa' capini noya ninosorocaso' ya'hurin. Ya'ipinpoa' yonquirhua'. Noya nicacaso' nitotrhua'. Napoaton iyanpoa pochin ninosorocaso' ya 'hurin. 
2. 
Ya'ipi piyapi napopianachin noya ninia'hua'. Nisha nisha nirihuarahunta' ninosorocaso' ya'hurin. Nisha nisha nananqu nonhua'. Nisha nisha imarhua'. A 'naqunpoa' yaraton, a 'naqunpoa' huiriton, a 'naqunpoa' qumapinpoa', a'naqunpoa' sanapinpoa'. A 'naqunpoa' ma 'huano 'sanpoa', a 'naqunpoa' Co na 'a ma'sha ya'hutrinpoahu'. 
Nisha nisha nirihuarahunta' ninosorocaso' ya'hurin. Nisha nisha hua'anntrinqu ya'hupirhuahu', napopianachin nini'thua', ya'hua'hua'. 
3. 
Co topinan quran tpacaso' ya'hurinhu'. Co topinan quran tashinan piqu po 'mocaso' ya'hurinhu'. 
4.
Co piyapinpoa' nipa'anacaso' ya'hurinhu'. Co topinan quran asacatacaso ya'hurinhu'. Piyapi inaora nohuanton sacachina'. Co sacatacaiso' nohuantohuachinahu', ama sacachinasohu'. 
5. 
Ama topinan quran ana 'inchinsohu'. Ama topinan quran chiniqun aparsichinsohu'. 
6.
Ya'ipi copirnoro'sa' no'tqun sha'huitacaso' ya'hurin. Nisha nisha piyapi nipirinhu' napopianachin ninosorocaso' ya'hurin, tnhua'. 
7. 
Copirnoro'sa' no'tqun hua'annchina'. Ya'ipi piyapi napopianachin noya ni 'ina'. Napopianachin a'paiina'. Ama topinan quran ana'inchinsohu'. 
8. 
A 'napitari topinan quran aparsitohuachinpoa', coisqu sha'huitacaso' ya'hurin. No'tqun ana 'inchin. 
9. 
Co topinan quran tashinan piqu po'mocaso ya'hurinhu'. Co topinan quran a'na parti a'pacaso ya'hurinhue. 
10.
A'napita sha'huirapihuachinpoa', Co topinan quran ana'intacaso' ya'hurinhu'. Cois noya natanchin. Ina quran no'tqun sha'huichin. Ya'ipinpoa' napopianachin nicatonpoa', no 'tqun sha 'huitinpoaso' ya'hurin. 
11.
1. A'na piyapi sha'huirapihuachinpoa', Co a'naroachin ana 'intinpoaso' ya'hurinhu'. Co nimara naporinhu', ta'ton, cois nya natainpoa'. Ina quran oshaquran yonquiina'. Thunchachi nitotaqu huar' ana'intacaso' ya'hurin. Co thunchachi nitotohuachinhu', ama ana'inchinsohu'. 
2. Copirno nani pnnpachinpoa', no'tqun ana 'intrinpoa'. Co pnnpachinpoahu', Co ana 'intinpoaso' ya 'hurinhu'. Nasha pnnpachinpoa', natcaso' ya'hurin. Iraca Co pnnpachinpoarahu', Co natpathuahu', Co ina ar' ana 'intinpoaso' ya 'hurinhu'. Nani sha 'huitohuachinpoa', Co aqut ana'intinpoaso' ya'hurinhu'. 
12. 
Co ma'shannpoa' niihuacaso' ya'hurinhu'. Co ninshitrhuaso' nis 'huatacaso' ya'hurinhu'. Co pinoinpoaso' ya 'hurinhu'. Inapo 'tohuachinpoa', coisri ana'inchin. 
13. 
1. Ya'hurhua quran insqusona yapa patra, noya paacaso' ya'hurin. 
2. A'na hua'an quran yapipihuatra, noya pipicaso'. Ya'hurhuaso parti yahunantohuatra, noya huantacaso. 
14. 
1. Copirno topinan quran no'huihuachinpoa', yata'ahuathua', noya ta'acaso' ya'hurin a'na parti ya'hucasomar'. 
2. Nipirinhu' Co noyahu' nipathua', no'tqun ana 'intacaso' ya 'hurin, Co ta 'acaso' ya 'hurinhu'. 
15.
1. Ya'ipinpoa' nisha nisha Copirno ya'hutrinpoa'. Ina catahuainpoaso' ya'hurin. 
2. Co topinan quran a'painpoaso' ya'hurinhu'. Nipirinhu' a'na hua'anqu yaya'conpachina, tananpichin pa'in. 
16. 
1. Qumapi mashotohuachina, noya sa'acaso'. Nisha sanapi yamapachina inanta' noya tnhua'. Nisha religion imarinso' mapachina, Co ina mar' copirnori nanitrinhu' ana'intacaso'. sanapinta' payatohuachina, noya so'yacaso'. Nisha piyapi niponahu', noya macacaso'. Qumapi'sa', sanapi'santa' ma'sona nohuantohuachina, napoina. 
2. Sanapi Co nohuantohuachinhu', Co so'yatacaso' ya hurinhu'. Qumapinta' Co nohuantohuachinhu', Co ma'caso' ya'hurinhu'. 
3. A'na qumapi, sa'in, hui'ninpitarchachi a'na huntonaca' ninin. Noya ya'huina'. Noya ya'hucaso' Copirnori catahuain. 
17. 
1. No'pa', ma'sha, inapita hua'anntacaso ya'hurin. A'naquen inaora no'pa' hua'anntrin. A'nanta' ya'ipi hunton no pann hua'anntopi. Cato chach noya. 
2. No'pann hua 'anntohuachina', Co incaritranta nanitnnhu' ocoicaso. 
18. 
Yonquirhuaso mar' Co Copirno no'huiinpoaso ya'hurinhu'. Religion imarhuaso marnta' Co Copirno no'huiinpoaso' ya 'hurinhu'. Nisha yaimapathua,, Co ina mar' aparsitinpoaso' ya'hurinhu'. Yos chinotacaso mar' niyontonpathua', Co ina mar' Copirno ana'intinpoaso' ya'hurinhu'. 
19. 
Ma'sona tranta' yonquihuathua', a'napita yaa'chintohuathua', Co ina mar' Copirno ana'intinpoaso' ya 'hurinhu'. Nanan a 'parso marnta' noya, quiricaquhu nipon, natioquhu nipon, noya a'par', natan'. Ya'ipi parti inapotr' noya natanacaiso mar'. 
20. 
1. Piyapi yaniyontonpachina, niyontoina'. Noya niyontonacaiso' nipirinhu' Co niahucaiso marhu' niyontoina'. 
2. - Quiya pochin natco' ana'intochinquma', itohuachinpoa', Co nohuantohuathuahu', Co imacaso ya'hurinhue. 
21. 
1. Ya'ipi piyapi hua'ano'sa' huayonacaso' ya'hurin. Nisha nisha ninano quran huayonin. Inapita hua 'anntrinpoa'. 
2. Ya'ipi piyapi nanitrin ma'sha pa'anacaso'. Pahurtohuachina, ya'ipi piyapi nanitrin ma'shaqu pacacaso . Camionqu, avionqu, nanchaqu, inapitaqu nanitopi pacacaiso'. Napopianachin Copirno sirihuirinpoa'. 
3. Ya'ipi piyapi Copirno huayoina'. Hua'ano'santa huayoina'. Catapini pi'ipi catapin pi ipi quran pochin huayoina'. Ya'ipi piyapi inahuara ninshitapi huayonacaiso mare. 
22.
Piyapi sacatohuachina, no'tqun pahurtacaso' ya'hurin. Co sacatacaso' nanitohuachinhu', pi'pian pi 'pian catahuacaso' ya 'hurin. Copirno nanitohuachina, coriqui, ma'sha inapita qutacaso' ya'hurin. Co insonta' pahuantacaso' nohuantrhuahu'. 
23. 
1. Piyapi yasacatohuachina, sacachina'. Ma sacatosona yanipachina, inaqu sacachina'. Asacatrinsopita piyapinnpita nosoroina'. Ama chini chin iqun asacachinsohu'. 8acato ya'huhuachina, asacachina. 
2. No 'tqun pahurtacaso' ya 'hurin. Inachachi sacatohuachina, inachachi pahurtr'. Nisha nisha piyapi nipirinhu', inachachi pahurcaso' ya'hurin. 
3. No'tqun pahurtacaso' ya'hurin. Noya nanpicaiso mar' pahurchina'. Pahuantohuachina, a'napita catahuacaso' ya'hurin. 
4. Co noyahu' pahurhuachina', sacatoro sa' nanitrin niyontonacaiso . Ninontohuachina', a'na' acorin hua'an nontacaso mare. -Noya nosorocoi, no'tqun pahurcoi, itohuachina, nataina', no'tqun pahurchina'. 
24. 
Co nani tahuri asacatacaso' ya'hurinhu'. Chinotacasonta' ya'hurin. Pita tahuri Co sacatopirinahu', pahurcaso' ya'hurin. 
25. 
1. Noya sacatohuachina, noya pahurcaso' ya'hurin. Ya'ipi piyapi cosharo', pei ,nimirio, coton inapita nohuantopi. Co nohuantrhuahu' piyapi 'sa' pahuantacaiso'. Caniohuachina, Co nanitrinhu' sacatacaso'. Mashoro'sa', quyorono'sa' inapita Co nanitopihu' aqut' canacaiso'. Napoaton inapita catahuacaso' ya'hurin. 
2. Sanapi hua'huanpachina, hua'huinchachi a'napitari catahuaina'. Hua 'hua ma'patrinsonta' catahuaina'. Hua'huaro'sa' pahuantohuachina, Copirno pi'pian pi 'pian catahuaina'. 
26.
1. Copirnori escuelaro'sa' ya'ipi parti acoina'. Ya'ipi hua'huaro'sa' escuela imacaiso' ya'hurin. Primaria imacaiso mar' ama pahurchinasohu'. Secundaria, escuela ocupacional inapita acocaso' ya'hurin. Inapita yaya'conpachina examen noya pipihuachina, noya ya'coina. 
2. Ya'ipi maistororo'sa' noya a'chinchina' hua'huaro'sa' noya noya yonquicaiso mar'. Ina quran Co aqut nino'huipihu'. Noya noya ninosorohuachina, Co a 'napita nocanapihu'. Naporahuaton, ya 'ipinpoa' noya nini 'thua' ya hua'hua huachi. Ina na'con nohuantrhua'. 
3. Pa'pin, a'shin nohuanton, hui'ninpita escuelaqu ya coina'. Ama a'na piyapiri nisha escuelaqu po moinsohu'. 
27. 
1. Ninanoqu niyontonpi ma'sha nitotacaiso mar'. A 'naqun quirica ninshitrin, a 'naqun musica pi 'nirarin, a'naqun nonanpiso' pashitarin. Inapita nitotacaso mar' niyontonpachina, a'napita nohuantohuachina, pa'ina', noya nataina 
2. Nipro ninshitohuathua', hua'anntrhua'. Inapochachi nonanpiso', nitrata inapita pochin nipathua', hua'anntrhua'. Co inapita mar' a'napitari canacaso ya'hurinhu'. 
28.
Ya'ipi parti noya nini'thua', ya'hua'hua'. Ya'ipi Copirnoro'sa' piyapinnpita catahuaina' noya ya'hucaiso mare 
29.
1. Co insonta' inaora ya'hurinhu'. Ya'ipi piyapinpoa' noya ya'hucaiso' nohuantohuathua', noya ninosorocaso' ya 'hurin. Nicatahuacaso' ya'hurin. 
2. Copirnoro'sa' pnninpoa' Co nino'huicaso marhu', Co niahucaso marhu'. Noya nicatahuac