AKAPACH JAQE WALINKAAPATAKI INOQAT ARU 
Qalltaataki 
UNANCHASA, aka pachana jaqejh munaansina, cheqpacha amuyasisa, cheqa thakir sarjhatasa, jilan sullkanjama arnaqasa, jan nuwasisa utjaaru wayt'asi yati; 
UNANCHASA, jaqen walinkaapataki wakisir arunaka armasna, yaqhep jaqejh masinakaparu khuya autuyi, mututanakasti, uatatasisa, wajcha kankaapa atipasna, jan khitirus ajhsarasa, cheq-cheqa qhana arumpi arustatasjhapjhe; 
UNANCHASA, jaqen walinkaapataki inoqat arujha arjhatatapaw jan jaqe anqhachirinakaru ch'ajhwa qaltasna waninchapjhaapataki; 
UNANCHASA, taqpacha markanakajh kunti munapjhe ukanaka jikjhataatakiejh jupanakpacha sumat arusthapisipjhaapaw; 
UNANCHASA, Mathapit Mayachat Markanakan Arupa taqjhatasna akham markanakajh amuyasi: Taqe mayniwa, chachas warmis, jaqe kankaansinjha, ch 'amachasisna m ch 'ulla chachjama jaqen walinkaapa jkjhataaru wayt'asipjhe; 
UNANCHASA, taqe mrakanakajh Matahapit Markanakamp chika akham amtapjhe: sapaqat markanjha aniw jaqejh inaki arknaqatkaspati; jakaapans ynakapans arjhatatapaw; 
UNANCHASA, Mathapit Markanakan amuyasitanakapa yatisina khuskat taqpachanipaw wayt'asipjhaapa phoqasiapataki. 
MAYACHAT MARKANAKAJH JACH'A MATHAPIWINAKAPAN JAQEN WALINKAAPATAKI INOQAT ARU YATIYI 
Taqpacha jaqenaka, ayllunaka, markanaka, aka arunakaru iyau sasna ch'amachasipjhaapaw, isk'alalanakas, wayna tawaqonakas, chuymani jaqenakas, markapan qorpap manqhana yatichatpjhaapaw. Ukhamarus qorpamarkanakampi jaya markanakampi arusthapisisa taqpacha markanakajh khuskat ch'amachasipjhatapampi alajh toqeru wayt asitapjaniw. 
1. T'aqa
Taqpach jaqejh khuskat ujatatpjhewa munaapansa, luraapansa, amuyasiapansa, ukatwa jilani sullkanpjhaspas ukham ujasipjhaapawa. 
2. T'aqa
Taqpacha jaqenakajh chikasitapjhew; inajaqes, mistis, janq'os, ch'iyaras, chachas, warmis, amiris, wajchas taqe mayniw khuskat ujatapjhe. 
Ukhamaraki, janiw juk'ampkaspas ukhama ujasispati jach'a markanakaru isk'a markanakat sipanjha; taqpacha markanakajh tinkusitpjhew, jaqenakapasti chikasitapjharakiw. 
3. T'aqa 
Sapaqat jaqejh jan khitirus ajhsarasa jakaapa, munaapa, amuyasiapa, jaqe kankaapa taqjhatasiapaw. 
4. T'aqa 
Janiw j aqenakat maynikisa uywarj ama aljhatkaspati, ukhamarus jan jupa munasin janiw kuna uraarus, irnaqaarus wayt'asitspati. 
5. T'aqa 
Janirakiw taqe jaqenakat maynikis khuyaa mutuanakampi chhojrinchatapati. 
6. T'aqa
Jaqejh, jaqtapat layku, kauki markankipansa jaqe kankaapajh wali chaninchatapaw. 
7. T'aqa 
Jiliri p'eqeanakajh taqe mayniru khuskat ujapjhaapaw. Taqe mayniw arjhatatapa; kunapachati markanakan hualinkaapataki inoqat arunaka khitis t'unjaa munaspa ukajha, qhananchatapaw. 
8. T'aqa 
Khititejh anqhachat ujasisp ukajha, jach'a j ilirinakaruwa yatiyasiapa arjhatatapataki. 
9. T'aqa
Janiw khitis markapana mutuyatniti, janirakiw khitis markapata alismukutniti. 
10. T'aqa
Taqe mayniw juchanchata ujasisa m cheqa arun jilirimpi ist'ayasiap wakisi qhananchayasiataki, uka qepatsti cheq cheqaru t 'aqayasiataki. 
11. T'aqa
1. Janiw khitirus jucharu jalantatjama ujakiti, khititejh lutintata ujasispajha, ch'ajwa t 'aqeri j ilirin nayraqatapan m arjhatasirimpi taqjhatat qhananchayasiapaw, ukchakamasti jan juchanjama ujatapaw. 
2. Markasana yaqha markanakansa wakisiri inoqat arunak phoqasawa jucharu jalantirinakarojh ujaa, mutuanakasti juchanakampitj amaw wakisitapa. 
12. T'aqa
Janiw k'umias, anqachaas, ch 'inanchaas utjkaspati jaqen kankaapjhata, utapjhata, qellqasitapjhata. Taqe maynir arjhataatakiw kamachit jach'a arunakas qellqanakas utji. 
13. T'aqa
1. Markapanjh taqe mayniw kawkiruti sara muni ukarojh saraskakispaw; kauki ujarus utjnoqasi munipaniha utjnoqasiskakispaw, janiw khitis kuns saapkiti. 
2. Markapatsa yaqha markatsa taqe mayniw mistu munipanjha mistukispaw, pachparu kutt ' aa munipans kutt'askakispaw. 
14. T'aqa
1. Khitiruti anqhachaataki arknaqasipkasp ukajha, kaukir markampis arjhatayasiskakispaw. 
2. Uka arjhataasti janiw ina juchanakamp juchanchasir jaqetakfkiti, ukhamarus haniw Mayachat Markanakan inoqat aruparu jan phoqeri jaqetakkiti. 
15. T'aqa
1. Janiw m ch 'ulla jaqes jan markanejh utjkiti. 
2. Janirakiw jaqerojh markapjama utasitapjha apaqajamkiti, ukhamarus khitis markap lanti yaqha markampi trukasikispaw, munaa patjamaw. 
16. T'aqa 
1. Yoqallanakas imillanakas chuymaniptjhasin paninchasipjhakispaw munasinjha, janiw khitis jark 'askaspati; chachas warmis purapatha ujasipjhaapaw paninchasiwinsa jaljtasiwinsa. 
2. Chachamp warmimpi panipa arusthapisisakiw paninchasiapatak wakisi. 
3. Auki, tayka, wawanakapas ayllu taypin saphipjama inoqataw, ukatwa ayllumasinakapat jach'a jilirinakapats arjhatat uja sipjhaapaw. 
17. T'aqa
1. Taqe jaqetakiw wakisi utana, oraqena, jupa sapas ayllumasinakapampi chikas. 
2. Janiw khitisa utaps oraqeps inaki aparkaspati. 
18. T'aqa
Akhama inoqat ar utji: Taqe maynin munaapatjamaw yupaychaapas amuyasiapas. Kuna munaanakaps, amtaanakaps, amuyasitanakaps trukaa munasina trukakispaw; ukanaksti taqe jaqen nayraqatapata arsua, mayninakar yatichasa, kauki toqeru ch 'eqeyasa. 
19. T'aqa
Taqe maynejh kuna amuyasitanakapsa arsukispaw, ukhamarak yaqha jaqenakan amuyasitanakap qatoqasina ch'eqtatayakispaw markapans yaqha markanakansa, janiw khitis jark'askaspati. 
20. T'aqa
1. Taqe mayniw munaapata yaqha jaqenakampi arusthapisisa mathapisiskakispaw jan ch'ajhwa apanaqasna. 
2. Janiw khitirus ch'amakamajh kuna amtawiarus mantayksnati. 
21. T'aqa
1. Taqe markanakanjh jach'a jilirinakapajh jaqen munaapata uskutpjhaapaw. Taqe jaqesti jaqe masipan munaapata jilirjama ajllitakispaw. 
2. Jaqenakajh khuskata, taqe maynin taypita, jilirjama markapa aski apnaqaatakiejh khitirus aj llisipkakispaw. 
3. Ayllunakan, markanakan munaapaw m qhauqha marat mara jilirinakaparu cheqa ajlliajh. Uka amtatanakapasti janiw khitis q'eutaykaspati. 
22. T'aqa
Jaqejh m markan utjasina masinakapamp chika, walinkaapana, k'umara utj aapana, yatiapana, ynak jikjhatasitapana, arjhatatapaw. Uka ch'amapampi luraanakansti jilirinakajh yaqha jilirinakamp arusthapisisa mayni markanakampi yanapt'ayasispaw. 
23. T'aqa 
1. Taqe mayniw kun luraa munipansa Iurakispaw; yaqha jaqetaki Iuratanakapasti chaninchatapaw; inakt'awinsti jan luraa utjatap layku, yanapatapaw. 
2. Khuska jaqetaki kipka luraanakanjh kipkarakiw chanincha wakisi. 
3. Taqe ch'amachasiri jaqejha Iuratapat chanip qatoqasiapaw, ukampisti warmipa wawanakapamp chika jaqjama utjaapataki, jani ukhamsp ukasti yanapatapaw. 
4. Taqe mayniw jupjama ch'amachasir jaqenakamp mathapisi munasinjh mathapisiskakispaw wakisitanakap arjhatasiataki. 
24. T'aqa
Ch'amjasiri jaqejh sapa mara phoqasina samaraapaw wakisita, ukhamaraki jan lurawi urunakanjh. Uka samarawinakapansti ch'amjasiskaspas ukhama chanichatapaw. 
25. T'aqa 
1. Khitis inakt'aspa usuntasna, ijmaptasna, usurmuktasna, achachiptasna, janiraki qolqenspa isi, manq'a, qollanaka alaataki, marka jach'a jilirejh wajcha jaqerjama ujasna yanapaapaw, ukatakisti kunaymana yanapanakaw utji. 
2. Wawachiri warminakajh, asunakajh taqe isk'a wawanakapas khuskata arjhatatapaw. 
26. T'aqa
1. Taqe mayniw yatichatapa. Uka yatichawejh janiw qelqaa mayatakkaspati, taqe kuna yateqaatakapaw, chanin 'uka yateqawimpejh wayt 'asiataki. 
2. Yateqawejh inakapaw, ukhamat wayna tawaqonakas juk'ampi yatianakaru arka munasinjha arkasipkakispaw, ukatakisti jach'a jilirejh taqe maynitaki yanapanak uchaapaw. 
3. Sapa maynin jaqe kankaapa wayt'asiapataki, inoqat aru taqjhataataki, markasana maya markanakampinsa jaqe masisaru yqaataki, jaqen amuytasitanakap jan jark'atapaki, ukatakiw taqe mayniru churatapa. 
Auki taykakiw munaanejh ajliiataki kuna yatianaks wakisispa wawanakapataki. 
27. T'aqa
1. Taqe jaqen munaapankiw masinakapampi chika ch'amasisa aski yatianak jikjhataataki ayllupatakis markapatakis, ukhamarak uka yatiwinakampejh juk'amp wayt'asita utjaatakispaw. 
2. Sapa mayninkakiw amuytasitanakapas, luratanakapas, qellpatakapas; janiw khitis jupankaspas ukhama ukanakjh ustaykaspati. Maynin inoqatapa lunthatirejh cheqanchatapaw. 
28. T'aqa
Khitis wayt 'askakispaw taqe jaqenakan walinkaapataki, aka inoqat aru phoqasiapataki; ul:hamatjamaw markasans mayni markanakans cheqa thakiru sarj hataasataki. 
29. T'aqa
1. Sapa mayniw aylluparu ychaapa kunat-ti ayllup manqhanakwa kankaapjha jikjhatani. 
2. Janiw khitis munaap-pin lurkaspati kunat-ti ayllu masipaw anqhachata ujasispa, ukhamarus taqe mayniw sayt'apjhaspa anqhachataru arjhataataki. Uka lantinjha taqpachani kamachit arunaka phoqasna, suma jaka thaki patjharu sarjhatasna, jan pitu ustayasna m ch'ulla chachjama nukt'aasaw taqe maynin walinkaapa. 
3. Aka Mathapita Markanakan Arupajh janipiniw khitis maykiptkaspati munaapa luraataki. Wakisiw inoqata arupa arjhataa. 
30. T'aqa
Janiw kaukir markasa, khiti jaqesa sapapakis masinakapampis arusthapisinsa, j aqen walinkaapatak inoqat arunaka q'eujtayasna kuna luraanakamp, amtaanakamp tumpampi, jaqeru arknaqasina, munaanakapa, yatinoqtatapa, irnaqasianakapa, amuyasianakapa apaqapkaspati. 
