
======================================================================
LibreOffice 5.3 என்னைப்படி
======================================================================


இந்த என்னைப் படி கோப்பு தொடர்பான புதிய விவரங்களுக்கு, காண்க http://www.libreoffice.org/welcome/readme.html

இக்கோப்பு LibreOffice மென்பொருளைப் பற்றிய முக்கியத் தகவலைக் கொண்டுள்ளது. நிறுவலைத் தொடங்குமுன் இத்தகவலைக் கவனமாக வாசிக்கப் பரிந்துரைக்கப்படுகிறீர்கள்.

இம்மென்பொருளை மேம்படுத்திவரும் LibreOffice சமூகம், உங்களை உறுப்பினராக இணைய அழைக்கிறது. நீங்கள் புதிய பயனரென்றால், LibreOffice தளத்திற்குச் சென்று பாருங்கள். LibreOffice செயல்திட்டம் பற்றிய பல தகவலை நீங்கள் அங்கு பெறலாம். அத்திட்டத்தைச் சார்ந்த சமூகங்கள் பற்றியும் அறிந்து கொள்ளலாம். சுட்டி: http://ta.libreoffice.org/.

உண்மையில் LibreOffice அனைவருக்கும் இலவசமா?
----------------------------------------------------------------------

LibreOffice யாவருக்கும் இலவசமாக வழங்கப்படும் மென்பொருளாகும். நீங்கள் LibreOffice இன் இந்தப் படியை எத்தை கணினியில் வேண்டுமானாலும் நிறுவலாம்; (வனிக, அரசாங்க, கல்வி உட்பட) அனைத்து தேவைக்கும் பயன்படுத்தலாம். மேலதிக தகவலுக்கு LibreOffice பதிவிறக்கத்துடன் வந்த உரிம உரையைப் பார்க்கவும்.

ஏன் LibreOffice அனைவருக்கும் இலவசம்?
----------------------------------------------------------------------

இந்த LibreOffice ஐ இலவசமாக வழங்க தனிநபர்களும் நிறுவனங்களும் இதனை வடிவமைத்து, மேம்படுத்தி, பரிசோதித்து, ஆவணப்படுத்தி, ஆதரவளித்து, சந்தைப்படுத்தி, இன்னும் பல வழிகளில் உதவியுள்ளனர். இன்று LibreOffice இல்லங்களுக்கும் அலுவலகங்களுக்குமான உலகின் தலைசிறந்த திறவூற்று உற்பத்தித்திறன் மென்பொருளாக விளங்குகிறது.

அவர்களின் எத்தனங்களை பாராட்டுவதோடு LibreOffice இன்னும் பல்லாண்டுகள் நிலைத்திருக்க வேண்டுமென விரும்பினால், தயை கூர்ந்து இத்திட்டத்திற்கு ஆதரவளியுங்கள். தகவலுக்கு http://www.documentfoundation.org/contribution/ பாருங்கள். அனைவரும் ஏதாவதொரு விதத்தில் ஆதரவளிக்கலாம்.

----------------------------------------------------------------------
நிறுவுதல் குறிப்புகள்
----------------------------------------------------------------------

LibreOffice இன் முழு செயலம்சத்தையும் பெற சமீபத்திய Java இயங்குநேரச் சூழல் (JRE) பதிப்பு அவசியம். JRE LibreOffice நிறுவல் தொகுப்பின் பகுதியல்ல, அதை தனியாக நிறுவ வேண்டும்.

கட்டகத் தேவைகள்
----------------------------------------------------------------------

பொதுவாக, LibreOffice ஐப் உங்கள் லினக்ஸ் விநியோகத்தால் (எ.கா. உபுண்டு மென்பொருள் நடுவம்) பரிந்துரைக்கப்பட்ட நிறுவல் வழிமுறையில் நிறுவுதே நல்லது. ஏனெனில், உங்கள் சிஸ்டத்துக்குப் பொருத்தமான நிறுவலைப் பெறுவதற்குச் சுலபமான வழி இதுவாகத்தான் இருக்க முடியும். ஏன், நீங்கள் உங்கள் லினக்ஸ் இயங்கு தளத்தை நிறுவும்போதே LibreOffice முன்னிருப்பாக நிறுவப்பட்டிருக்கக்கூடிய வாய்ப்புமுள்ளது.

இந்த "தனித்தியங்கும்" LibreOffice நிறுவி முன்னோட்டங்கள் தேவைப்படும் பயனர்களுக்கும், மாற்றுத் திறன்களுடைய, வழக்கத்திற்கு முரண்பட்ட பயனர்களுக்காகவும் வழங்கப்படுகிறது.

* லினக்ஸ் கெர்னல் பதிப்பு 2.6.18 அல்லது மேலே;
* glibc2 பதிப்பு 2.5 அல்லது மேலே;
* freetype பதிப்பு 2.2.0 அல்லது மேலே;
* gtk பதிப்பு 2.10.4 அல்லது மேலே;
* gail 1.9, at-spi 1.7 பொதிகளுடைய கனோம் 2.16 அல்லது மேலே (துணைபுரியும் தொழில்நுட்ப [AT] கருவி ஆதரவுக்குத் தேவை), அல்லது வேறொரு (KDE போன்ற) ஏற்புடைய GUI.

பல விதமான லினக்ஸ் விநியோகங்களும் வேறுபட்ட நிறுவல் விருப்பத்தேர்வுகளும் (KDE, குனோம் போல) ஒரே லினக்ஸ் வணிகரிடம் கிடைக்கலாம். சில விநியோகங்கள் அவற்றின் “சொந்த” LibreOffice பதிப்புகளுடனும் அனுப்பபடுகின்றன; இவை சமூகம்-வெளியிட்ட LibreOffice ஐக் காட்டிலும் வேறுபட்ட அம்சங்களைக் கொண்டிருக்கலாம். பல வேளைகளில், சமூகம்-வெளியிட்ட LibreOffice ஐச் சொந்த வெளியீடுகளுக்குப் பக்கத்திலேயே நிறுவலாம். ஒருகால், சமூகம்-வெளியிட்ட பதிப்பை நிறுவதற்கு முன்னர் “சொந்த” பதிப்பை அகற்ற நீங்கள் விரும்பலாம். இதனை எவ்வாறு செய்வதென்று அறிய, லினக்ஸ் வணிகர் உங்களிடம் அளித்த பயனர் உதவி வளத்தைப் பாருங்கள்.

மென்பொருளை அகற்றுவதற்கோ நிறுவதற்கோ முன்னர் உங்கள் கட்டகத்தைக் காப்புநகலெடுப்பது நல்ல பழக்கமாகும்.

உங்கள் கணினியின் தற்காலிக அடைவில் போதுமான நினைவகம் இருப்பதையும், படிக்க, எழுத மற்றும் அணுகும் உரிமை உங்களுக்கு வழங்கப்பட்டுள்ளதையும் உறுதிசெய்து கொள்ளுங்கள். நிறுவலைத் தொடங்கும் முன், மற்ற நிரல்கள் அனைத்தையும் மூடி விடவும்.

டெபியன்/உபுண்டு அடிப்படையிலான லினக்ஸ் கணினியில் LibreOffice ஐ நிறுவுதல்
----------------------------------------------------------------------

ஒரு மொழிப் பொதியை எவ்வாறு நிறுவுவது என்ற அறிவுறுத்தல்களுக்கு (LibreOffice இன் அமெரிக்க ஆங்கிலப் பதிப்பை நிறுவியப்பின்), ஒரு மொழிப் பொதி நிறுவுதல் என்ற தலைப்புடைய பிரிவை கீழே வாசிக்கவும்.

பதிவிறக்கம் செய்த காப்பகக் கோப்பை நீங்கள் பிரிக்கும் போது, அதன் உள்ளடக்கம் ஒரு துணை கோப்பகத்தில் பிரித்து வைக்கப்படுவதைக் காண்பீர்கள். ஒரு கோப்பு நிர்வாகி சாளரத்தைத் திறந்து, கோப்பகத்தின் பெயரை "LibreOffice_" எனத் தொடங்கி, பதிப்பு எண்ணும் இயங்குதள தகவலும் கொண்டதாக முடியும்படி மாற்றுங்கள்.

இந்த அடைவு "DEBS" என்ற ஒரு துணையடைவைக் கொண்டுள்ளது. அடைவை "DEBS" அடைவுக்கு மாற்றுக.

அடைவினுள் சொடுக்கி "முனையத்தில் திற" தேர்வு செய்யவும். ஒரு முனைய சாளரம் திறக்கும். முனையத்தில் கட்டளை வரியில் இருந்து, பின்வரும் கட்டளையை (கட்டளையை செயல்படுத்தும் முன்னர், நீங்கள் உங்கள் மூல பயனர் கடவுச்சொல்லை உள்ளிட வேண்டும்) உள்ளிடவும்:

பின்வரும் கட்டளைகள் லிப்ரெஓபிஸ், பணிமேடை ஒருங்கிணைப்பு பொதிகளை நிறுவும் (இவற்றைத் தட்டச்சு செய்ய முயல்வதை விட அப்படியே நகலெடுத்து உங்கள் முனையத் திரையில் ஒட்டுவது நல்லது):

sudo dpkg -i *.deb

நிறுவல் இப்போது முடிந்துவிட்டது, ஆகவே, அனைத்து LibreOffice செயலிகளின் படவுருக்களும் உங்கள் பணிமேடையின் செயலிகள்/அலுவலகம் பட்டியலில் இருக்க வேண்டும்.

Fedora, openSUSE, Mandriva மற்றும் பிற Linux முறைமைகளில் RPM தொகுப்புகளைப் பயன்படுத்தி LibreOffice ஐ நிறுவுதல்
----------------------------------------------------------------------

ஒரு மொழிப் பொதியை எவ்வாறு நிறுவுவது என்ற அறிவுறுத்தல்களுக்கு (LibreOffice இன் அமெரிக்க ஆங்கிலப் பதிப்பை நிறுவியப்பின்), ஒரு மொழிப் பொதி நிறுவுதல் என்ற தலைப்புடைய பிரிவை கீழே வாசிக்கவும்.

பதிவிறக்கம் செய்த காப்பகக் கோப்பை நீங்கள் பிரிக்கும் போது, அதன் உள்ளடக்கம் ஒரு துணை கோப்பகத்தில் பிரித்து வைக்கப்படுவதைக் காண்பீர்கள். ஒரு கோப்பு நிர்வாகி சாளரத்தைத் திறந்து, கோப்பகத்தின் பெயரை "LibreOffice_" எனத் தொடங்கி, பதிப்பு எண்ணும் இயங்குதள தகவலும் கொண்டதாக முடியும்படி மாற்றுங்கள்.

இந்த அடைவு "RPMS" என்றொரு துணை அடைவைக் கொண்டுள்ளது. அடைவை "RPMS" அடைவாக மாற்றுக.

அடைவினுள் சொடுக்கி "முனையத்தில் திற" தேர்வு செய்யவும். ஒரு முனைய சாளரம் திறக்கும். முனையத்தில் கட்டளை வரியில் இருந்து, பின்வரும் கட்டளையை (கட்டளையை செயல்படுத்தும் முன்னர், நீங்கள் உங்கள் மூல பயனர் கடவுச்சொல்லை உள்ளிட வேண்டும்) உள்ளிடவும்:

பெடோரா-அடிப்படையிலான கட்டகங்களுக்கு: su -c 'yum install *.rpm'

மாண்ரிவா அடிப்படையிலான கட்டகங்களுக்கு: sudo urpmi *.rpm

மற்ற RPM-அடிப்படையிலான முறைமைகளுக்கு (openSUSE போன்றவை): rpm -Uvh *.rpm

நிறுவல் இப்போது முடிந்துவிட்டது, ஆகவே, அனைத்து LibreOffice செயலிகளின் படவுருக்களும் உங்கள் பணிமேடையின் செயலிகள்/அலுவலகம் பட்டியலில் இருக்க வேண்டும்.

ஒரு பயனராக நிறுவ, இக்காப்பகத்தின் மேல் மட்டக் கோப்பகத்திலுள்ள 'நிறுவு' வரிவடிவத்தைக்கூட நீங்கள் பயன்படுத்தலாம். இந்த வரிவடிவம் அதன் தனிப்பட்ட விவரக்குறிப்பு இந்நிறுவலுக்கு இருப்பதற்காக LibreOffice ஐ அமைக்கும்; உங்கள் இயல்பான LibreOffice விவரக்குறிப்பிலிருந்து இது வேறுபட்டிருக்கும். பணிமேடை பட்டி உருப்படிகள், பணிமேடை MIME வகை பதிவுகள் போன்ற கட்டகத் தொகையீட்டின் பகுதிகளை இது நிறுவாது என்று கருத்தில் கொள்ளுங்கள்.

லினக்ஸ் விநியோகங்களுக்கான பணிபேடை ஒருமைப்பாடு பற்றிய குறிப்புகள் மேலுள்ள நிறுவல் வழிமுறையில் இடம்பெறவில்லை
----------------------------------------------------------------------

இந்த நிறுவல் வழிமுறைகளில் குறிப்பாக இடம்பெறாத இதர லினக்ஸ் விநியோகங்களில் LibreOffice ஐ நிறுவ எளிமையாக இருக்க வேண்டும். முக்கியமாக பணிமேடை ஒருமைப்பாட்டில்தான் வேறுபாடுகளைச் சந்திக்க முடியும்.

இந்த RPMS( அல்லது DEBS பொன்ற) அடைவு libreoffice5.3-freedesktop-menus-5.3.0.1-1.noarch.rpm என்ற ஒரு பொதியையும் (அல்லது libreoffice5.3-debian-menus_5.3.0.1-1_all.deb அல்லது அது போன்றதையும்) கொண்டிருக்கிறது. இப்பொதி, Freedesktop.org விவரக்குறிப்புகள்/ பரிந்துரைகளுக்கு ஆதரவளிக்கும் அனைத்து லினக்ஸ் விநியோகங்களுக்குமானது (http://en.wikipedia.org/wiki/Freedesktop.org); இது மேற்கூறிய வழிமுறைகளில் இல்லாத‌ மற்ற லினக்ஸ் விநியோகங்களில் நிறுவ அளிக்கப்படுகிறது.

மொழிப் பொதி நிறுவப்படுகிறது
----------------------------------------------------------------------

உங்களுக்குப் பிடித்த மொழி, இயங்குதளம் இவற்றிற்கான மொழிப் பொதியைப் பதிவிறக்குங்கள். அவை முதன்மை நிறுவல் அவணகமுள்ள அதே இடத்திலிருந்து கிடைக்கின்றன. நௌடிலஸ் கோப்பு நிர்வாகியிலிருந்து பதிவிறக்கப்பட்ட ஆவணகத்தை ஓர் அடைவிற்கு (எ.கா. உங்கள் பணிமேடை) பிரித்தெடுங்கள். அனைத்து LibreOffice செயலிகளிலிருந்தும் (விரைவுத்தொடங்கி உட்பட) நீங்கள் வெளியேறிவிட்டதை உறுதிசெய்து கொள்ளவும்.

பதிவிறக்கிய மொழிப் பொதியை நீங்கள் பிரித்தெடுத்த‌ அடைவுக்கு அடைவை மாற்றவும்.

இப்போது பிரித்தெடுக்கும் போது உருவாக்கப்பட்ட கோப்பகத்திற்கு மாறவும். எடுத்துக்காட்டாக, ஒரு 32-பிட் Debian/Ubuntu-அடிப்படையிலான கணினிக்கான பிரெஞ்சு மொழித் தொகுப்புக்கு கோப்பகத்தின் பெயர் LibreOffice_, அத்துடன் பதிப்பு தகவல் மற்றும் Linux_x86_langpack-deb_fr போன்ற உரையைக் கொண்டிருக்கும்.

இப்போது நிறுவ வேண்டிய தொகுப்புகளைக் கொண்டுள்ள கோப்பகத்திற்கு மாறவும். Debian/Ubuntu-அடிப்படையிலான கணினிகளில் கோப்பகம் DEBS என்பதாகும். Fedora, openSUSE அல்லது Mandriva முறைமைகளில், கோப்பகம் RPMS ஆகும்.

நாட்டிலஸ் கோப்பு மேலாளரில், அடைவை வலம்-சொடுக்கி "முனையத்தில் திற" என்ற கட்டளையைத் தேர்ந்தெடுக்கவும். நீங்கள் சற்று முன்னர் திறந்த‌ முனையத்தில், மொழி பொதியை நிறுவும் கட்டளையை செயல்படுத்தவும் (கீழ்கண்ட‌ கட்டளைகள் அனைத்துக்கும், நீங்கள் மூல பயனர் கடவுச்சொல்லை உள்ளிட வேண்டி இருக்கலாம்):

டெபியன்/ உபுண்டு அடிப்படையிலான கட்டகங்களுக்கு: sudo dpkg -i *.deb

பெடோரா-அடிப்படையிலான கட்டகங்களுக்கு: su -c 'yum install *.rpm'

மாண்ரிவா அடிப்படையிலான கட்டகங்களுக்கு: sudo urpmi *.rpm

மற்ற RPM-பயன்படுத்தும் முறைமைகளுக்கு (openSUSE போன்றவை): rpm -Uvh *.rpm

இப்போது ஏதாவதொரு LibreOffice செயலியை -- எ.கா. ரைட்டர் -- தொடக்குங்கள். கருவிகள் பட்டிக்குச் சென்று விருப்பத்தேர்வை தேர்க. விருப்பத்தேர்வு உரையாடல் பெட்டியில், "மொழி அமைவுகள்" ஐச் சொடுக்கிய பின் "மொழிகள்" ஐச் சொடுக்குக. "பயனர் முகப்பு" பட்டியலைக் கீழிறக்கி, நீங்கள் சற்று முன்னர் நிறுவிய மொழியைத் தேர்க. நீங்கள் வேண்டினால், அதே செயலை "இட அமைவு", "முன்னிருப்பு நாணயம்", "ஆவண முன்னிருப்பு மொழிகள்" ஆகியவற்றிற்கும் செய்க.

அந்த அமைவுகளைச் சரிசெய்த பின், சரி ஐச் சொடுக்குக. உரையாடல் பெட்டி மூடும்; உங்கள் மாற்றங்கள் LibreOffice இலிருந்து (விரைவுத்தொடக்கி ஓடிக்கொண்டிருந்தால், அதிலிருந்தும்) வெளியேறி அதனை மீளத்தொடக்கிய பின்னர்தான் செயலாகும் என்ற ஒரு தகவலை நீங்கள் காண்பீர்கள்.

அடுத்த முறை நீங்கள் LibreOffice ஐத் தொடங்கும்போது, அது நீங்கள் சற்று முன்னர் நிறுவிய மொழியில் தொடங்கும்.

----------------------------------------------------------------------
நிரல் அமைவின் போது சிக்கல்
----------------------------------------------------------------------

LibreOffice தொடக்கச் சிக்கல்களும் (எ.கா. செயலி நின்றுவிடுதல்) திரை காட்சி சிக்கல்களும் வரைகலை அட்டை இயக்கியால் ஏற்படுகின்றன. இச்சிக்கல்கள் ஏற்பட்டால், உங்கள் வரைவியல் அட்டை இயக்கியைப் புதுப்பியுங்கள் அல்லது உங்கள் இயங்குதளத்துடன் வந்த வரைவியல் இயக்கியைப் பயன்படுத்த முயலுங்கள். 3D பொருள்களைக் காட்டுவதிலுள்ள சிக்கலை 'கருவிகள் - விருப்பத்தேர்வுகள் - LibreOffice - பார்வை - 3D' இலுள்ள "OpenGL ஐப் பயன்படுத்து" தேர்வை நீக்குவதன்வழியும் தீர்க்கலாம்.

----------------------------------------------------------------------
குறுக்கு விசைகள்
----------------------------------------------------------------------

இயங்குதளம் பயன்படுத்தாத குறுவிசைகளை (விசைச் சேர்க்கைகளை) மட்டுமே LibreOffice இல் பயன்படுத்த முடியும். LibreOffice  இல் ஏதேனும் விசைச் சேர்க்கைகள் LibreOffice உதவிக் கோப்பில் கூறியபடி வேலை செய்யவில்லை என்றால், முதலில் அதே விசைச்சேர்க்கைகள் இயங்குதளத்தில் பயனில் உள்ளதா என்பதைச் சோதிக்கவும். இத்தகைய முரண்களைச் சரிசெய்ய, உங்கள் இயங்குதளத்தின் விசைச் சேர்க்கைகளை நீங்கள் மாற்றலாம். அல்லது, LibreOffice இலுள்ள எந்த விசைச்சேர்க்கைகளையும் நீங்களே மாற்றலாம். இதைப்பற்றிய மேலதிக விபரங்களுக்கு, LibreOffice இன் உதவிக்கோப்பையோ உங்கள் இயங்குதளத்தின் உதவிக்கோப்பையோ வாசிக்கவும்.

----------------------------------------------------------------------
கோப்பு பூட்டுதல்
----------------------------------------------------------------------

LibreOffice இல் கோப்பைப் பூட்டுதல் அம்சம் இயல்பமைப்பாகவே செயல்படுத்தப்பட்டுள்ளது. பிணைய கோப்பு முறைமை நெறிமுறையை (NFS) பயன்படுத்தும் ஒரு பிணையத்தில், NFS கிளையன்ட்டுகளுக்கான பூட்டும் மறைநிரல் செயலில் இருக்க வேண்டும். கோப்பு பூட்டுதலை முடக்க soffice ஸ்கிரிப்ட்டைத் திருத்தி "export SAL_ENABLE_FILE_LOCKING" என்ற வரியை "# export SAL_ENABLE_FILE_LOCKING" என்று மாற்றவும். கோப்பு பூட்டுதலை முடக்கினால் ஆவணத்தை முதலில் திறக்கும் பயனருக்கு மட்டுமே எழுதுவதற்கான அணுகல் என கட்டுப்பாடு அமையாது.

----------------------------------------------------------------------
வரைபொருள் செயல்திறன்
----------------------------------------------------------------------

முன்னிருப்பாக, LibreOffice வேகத்தை விட அழகான படங்களை விரும்புகிறது. மெதுவானப் படங்களை நீங்கள் அனுபவித்தால், 'கருவிகள் - விருப்பத்தேர்வுகள் - LibreOffice - பார்வை - ஆன்ட்டி-அலையாசிங்கைப் பயன்படுத்து' என்பதை அணைத்தால் சிக்கல் தீரலாம்.

----------------------------------------------------------------------
முக்கிய அனுகல் குறிப்புகள்
----------------------------------------------------------------------

LibreOffice என்பதிலுள்ள அனுகல் அம்சங்களைப் பற்றிய கூடுதல் தகவலுக்கு, http://ta.libreoffice.org/accessibility/ பக்கத்தைப் பார்க்கவும்

----------------------------------------------------------------------
பயனர் உதவி
----------------------------------------------------------------------

முதன்மை ஆதரவு பக்கமான http://ta.libreoffice.org/get-help/feedback/ LibreOffice என்பதற்க்குத் தேவையான பலவித உதவி வாய்ப்புகளை அளிக்கிறது. உங்கள் கேள்விக்கு ஏற்கனவே பதிலளிக்கப்பட்டிருக்கலாம் - சமூக மன்ற http://ta.libreoffice.org/get-help/nabble/தளத்தில் சோதித்துப் பார்க்கவும், அல்லது http://ta.libreoffice.org/get-help/mailing-lists/ மடலாடற் குழு பக்கத்தில் 'users@libreoffice.org' அஞ்சல் பட்டியலில் தேடிப் பார்க்கவும். மாறாக, உங்கள் கேள்விகளை users@libreoffice.org முகவரிக்கும் அனுப்பலாம். அந்த பட்டியலில் பங்களிக்க (அஞ்சல்வழி பதில் பெற) நீங்கள் விரும்பினால், ஒரு வெற்று மின்னஞ்சலை இங்கு அனுப்பவும்: users+subscribe@libreoffice.org.

அகேகே பிரிவை http://ta.libreoffice.org/faq/ பக்கத்தில் பார்க்கவும்.

----------------------------------------------------------------------
வழுக்கள் & சிக்கல்களின் அறிக்கையிடல்
----------------------------------------------------------------------

பிழைகள் பற்றி புகார் அளிக்க, கண்காணிக்க, தீர்க்க நாங்கள் https://bugs.libreoffice.org/ தளத்தில் வழங்கப்படும் BugZilla மென்பொருளைப் பயன்படுத்துகிறோம். உங்கள் இயங்குதளத்தில் எழும் பிழைகளை உரிமையுடன் எங்களிடம் புகார் செய்யும்படி நாங்கள் வேண்டிக்கொள்கிறோம். ஊக்கமாக புகார் அளிப்பது LibreOffice திட்டத்தை தொடர்ந்து மேம்பாடுத்தவும் முன்னேற்றவும் பயனர் சமூகம் செய்யும் முக்கிய உதவிகளில் ஒன்றாகும்.

----------------------------------------------------------------------
ஈடுபடுதல்
----------------------------------------------------------------------

LibreOffice சமூகம், நீங்கள் இந்த முக்கியமான திறவூற்று செயல்திட்டத்தில் ஆர்வமாக பங்கொவதன்வழி அதிகம் பயன்பெரும்.

ஒரு பயனராக, நீங்கள் இப்போதே இத்தொகுப்பின் மேம்பாட்டுச் செயல்முறையின் ஒரு முக்கிய அங்கமாக விளங்குகிறீர்கள்; சமூகத்தின் நீண்ட கால பங்களிப்பாளராக இன்னும் அதிகமான பங்களிப்பை வழங்கும்படி உங்களை நாங்கள் ஊக்குவிக்கிறோம். தயைகூர்ந்து இணைந்து பங்களிப்பு பக்கத்தைப் http://ta.libreoffice.org/contribution/ பாருங்கள்

தொடங்குவது எப்படி
----------------------------------------------------------------------

ஒன்று அல்லது அதிகமான அஞ்சல் பட்டியல்களில் குழுசேர்ந்து, சிறிது காலம் காத்திருந்து, அக்டோபர் 2000 ஆண்டில் LibreOffice திட்டத்தின் மூலக் குறியீடு வெளியானதிலிருந்து நடந்த விவாதங்களின் தலைப்புகளில் பரிச்சயம் அடைவதே இதில் பங்களிக்கத் தொடங்க எளிய வழியாகும். நீங்கள் சௌகரியமாக உணரும் போது நீங்கள் செய்ய வேண்டியதெல்லாம், உங்களை அறிமுகப்படுத்திக்கொண்டு ஒரு மின்னஞ்சல் அனுப்பி களத்தில் இறங்க வேண்டியதுதான். திறந்த மூல திட்டப்பணிகளில் நீங்கள் நல்ல பரிச்சயம் கொண்டவர் எனில், எங்கள் செய்ய வேண்டியவை பட்டியலில் உள்ளவற்றைப் பார்த்து http://ta.libreoffice.org/develop/ தளத்தில் நீங்கள் உதவக்கூடிய அம்சம் ஏதேனும் உள்ளதா எனப் பார்க்கவும்.

குழுவிலிணை
----------------------------------------------------------------------

நீங்கள் இணையக் கூடிய மடலாடற் குழுக்கள் இங்கு உள்ளன http://ta.libreoffice.org/get-help/mailing-lists/

* செய்திகள்: announce@documentfoundation.org *அனைத்து பயனர்களுக்கும் பரிந்துரைக்கப்படுகிறது* (குறைவான போக்குவரத்து)
* பிரதான பயனர் பட்டியல்: users@global.libreoffice.org *விவாதங்களில் நுழைய எளிய வழி* (அதிக போக்குவரத்துத் தடை)
* சந்தைப்படுத்தல் திட்டப்பணி: marketing@global.libreoffice.org *உருவாக்கத்திற்கும் அப்பால்* (பளுவாகிறது)
* பொது மேம்பாட்டாளர் பட்டியல்: libreoffice@lists.freedesktop.org (அதிக போக்குவரத்து)

ஒன்றுக்கு அல்லது அதற்கு மேற்பட்ட திட்டங்களில் இணைய
----------------------------------------------------------------------

குறைந்த மென்பொருள் வடிவாக்க, குறியாக்க அனுபவமே உங்களுக்கு இருந்தாலும், இந்த முக்கிய திறவூற்று செயல்திட்டதிற்கு மிகப்பெரிய பங்கை நீங்கள் அளிக்கலாம். ஆம், நீங்கள்தான்!

புதிய LibreOffice 5.3 உங்களுக்குப் பயனானதாக அமைந்திருக்குமெனவும் இணையத்தில் எங்கள் சமூகத்தில் இணைவீர்களெனவும் எதிர்பார்க்கிறோம்.

லிப்ரெஓபிஸ் சமூகம்

----------------------------------------------------------------------
பயன்படுத்திய / மாற்றியமைத்த மூலக் குறியீடு
----------------------------------------------------------------------

Portions Copyright 1998, 1999 James Clark. Portions Copyright 1996, 1998 Netscape Communications Corporation.