
======================================================================
LibreOffice 6.0 Lleime
======================================================================


For the latest updates to this readme file, see http://www.libreoffice.org/welcome/readme.html

Esti ficheru contien información importante tocante al software LibreOffice. S'encamienta lleer con atención esta información enantes d'aniciar la instalación.

La comunidá de LibreOffice ye responsable del desendolcu d'esti productu, y te convida a que consideres participar como miembru de la comunidá. Si yes un usuariu nuevu, pues visitar el sitiu web de LibreOffice, onde alcontrarás información abonda sobro'l proyeutu LibreOffice y les comunidaes qu'esisten alredor. Entra nel sitiu http://www.libreoffice.org/.

¿LibreOffice ye llibre daveres pa cualquier usuariu?
----------------------------------------------------------------------

Toos puen usar LibreOffice con llibertá. Pues coyer esta copia de LibreOffice ya instalalu en tantos ordenadores como quieras, y usalu con cualesquier propósitu que quieras (incluyíu l'usu comercial, gubernativu, n'alministración pública o educativu). Pa más detalles mira nel testu de la llicencia incluyíu nesta descarga de LibreOffice.

¿Por qué LibreOffice ye llibre pa cualquier usuariu?
----------------------------------------------------------------------

Pues usar de baldre esta copia de LibreOffice porque les persones que collaboren y les empreses patrocinadores diseñaron, desendolcaron, probaron, tornaron, documentaron, dieron asistencia, ficieron publicidá y ayudaron de munches maneres pa que LibreOffice pudiera ser lo que ye anguaño - el líder mundial en software de productividá de códigu abierto pa casa y pa la oficina.

Si aprecies esi esfuerzu y te prestaría que LibreOffice siga disponible nun futuru, considera contribuir col proyeutu - ver http://www.documentfoundation.org/contribution/ pa más detalles. Caún pue contribuir d'alguna manera.

----------------------------------------------------------------------
Notes sobre la instalación
----------------------------------------------------------------------

LibreOffice requier una versión nueva de Java Runtime Environment (JRE) pa funcionar de mou completu. JRE nun ye parte del paquete d'instalación de LibreOffice, tien d'instalase aparte.

Requisitos del sistema
----------------------------------------------------------------------

Por regla xeneral s'encamienta instalar LibreOffice usando los métodos propios de cada distribución de Linux (como'l Centru de Software d'Ubuntu, nel casu d'Ubuntu Linux). Esto ye porque, de vezu, ye la manera más cenciella de tener una instalación lo meyor integrada nel sistema. Entá más, seique LibreOffice yá s'instalara de mou predetermináu cuando instalasti el sistema operativu.

Esti instalador «autónomu» de LibreOffice s'ufre pa los usuarios que necesiten ver versiones previes, los que tengan necesidaes especiales, y pa casos fuera de lo normal.

* Kernel de Linux versión 2.6.18 o mayor;
* glibc2 versión 2.5 o mayor;
* freetype versión 2.2.0 o superior;
* gtk versión 2.10.4 o mayor;
* Gnome 2.16 o superior, colos paquetes gail 1.9 y at-spi 1.7 (necesarios pa la compatibilidá coles teunoloxíes d'asistencia [AT]), o otra interfaz gráfica d'usuariu compatible (como KDE, ente otres).

Hai abonda variedá de distribuciones de Linux, que puen tener distintes opciones d'instalación (KDE o Gnome, etc.) pa un mesmu distribuidor de Linux. Delles distribuciones vienen cola so versión «nativa» de LibreOffice, que pudiere tener carauterístiques distintes d'esta versión de la comunidá de LibreOffice. En munchos casos, pues instalar la versión de la comunidá de LibreOffice xunto cola versión nativa. Sicasí, ye preferible desaniciar la versión «nativa» enantes d'instalar esta versión comunitaria. Pa más detalles tocante a cómo facelo, consulta los recursos d'ayuda al usuariu de cada distribución de Linux concreta.

Ye bon vezu, y s'encamienta, facer copia de seguridá del sistema y los datos enantes de desaniciar o instalar software.

Asegurate de tener espaciu bastante nel direutoriu temporal del sistema, y tamién de tener los permisos d'accesu necesarios pa llectura, escritura y execución n'él. Zarra tolos demás programes antes de principiar col procesu d'instalación.

Instalación de LibreOffice en sistemes Linux basaos en Debian/Ubuntu
----------------------------------------------------------------------

Pa más instrucciones sobre como instalar un paquete d'idioma (dempués de tener instalada la versión n'inglés de los EE.XX. de LibreOffice), llea más abaxo la seición titulada Instalación d'un paquete d'idioma.

Cuando desempaquete l'archivu descargáu, verá que'l conteníu se descomprimió nun subdireutoriu. Abra una ventana del alministrador de ficheros y cambia de direutoriu al que comienza con «LibreOffice_», siguío pol númberu de versión y dalguna información de la plataforma.

Esti direutoriu contien un subdireutoriu nomáu «DEBS». Cambia de direutoriu a «DEBS».

Calque col botón drechu dientro del direutoriu y escueya «Abrir nun terminal». S'abrirá una ventana de terminal. Na llinia de comandu, escriba'l comandu siguiente (va pidise escribir la contraseña del usuariu root enantes d'executar el comandu):

Los comandos siguientes instalarán LibreOffice y los paquetes pa la integración nel escritoriu (pue simplemente copialos y pegalos na pantalla del terminal meyor qu'intentar escribilos):

sudo dpkg -i *.deb

Agora ta completu'l procesu d'instalación, y habríes de tener los iconos de toles aplicaciones de LibreOffice nel menú d'escritoriu Aplicaciones/Oficina.

Instalación de LibreOffice en Fedora, openSuse, Mandriva y otros sistemes Linux qu'usen paquetes RPM
----------------------------------------------------------------------

Pa más instrucciones sobre como instalar un paquete d'idioma (dempués de tener instalada la versión n'inglés de los EE.XX. de LibreOffice), llea más abaxo la seición titulada Instalación d'un paquete d'idioma.

Cuando desempaquete l'archivu descargáu, verá que'l conteníu se descomprimió nun subdireutoriu. Abra una ventana del alministrador de ficheros y cambie de direutoriu al que comienza con «LibreOffice_», siguío pol númberu de versión y dalguna información de la plataforma.

Esti direutoriu contien un subdireutoriu nomáu «RPMS». Cambiar de direutoriu a «RPMS».

Calque col botón drechu dientro del direutoriu y escueya «Abrir nun terminal». S'abrirá una ventana de terminal. Na llinia de comandu, escriba'l comandu siguiente (va pidise escribir la contraseña del usuariu root enantes d'executar el comandu):

Pa los sistemes basaos en Fedora: su -c 'yum install *.rpm'

Pa los sistemes basaos en Mandriva: sudo urpmi *.rpm

Pa otros sistemes basaos en RPM (openSuse, etc.): rpm -Uvh *.rpm

Agora ta completu'l procesu d'instalación, y habríes de tener los iconos de toles aplicaciones de LibreOffice nel menú d'escritoriu Aplicaciones/Oficina.

Alternativamente, pue utilizar el script «install», que s'alcuentra nel direutoriu de nivel superior d'esti archivu pa facer una instalación d'usuariu. El script configurará LibreOffice pa que tenga un perfil propiu nesta instalación, separáu del so perfil normal de LibreOffice. Tenga en cuenta qu'esto nun instalará les partes d'integración col sistema, tales como los menús del escritoriu y los rexistros de tipos MIME del escritoriu.

Notes tocante a la integración nel Escritoriu de distribuciones de Linux nun mencionaes nes anteriores instrucciones d'instalación
----------------------------------------------------------------------

Tendría de poder instalase de mou fácil LibreOffice n'otres distribuciones de Linux que nun se traten de manera específica nestes instrucciones d'instalación. El principal aspeutu nel que pueden apaecer diferencies ye no que cinca a la integración col escritoriu.

El direutoriu RPMS (o DEBS, respeutivamente) tamién contién un paquete llamáu libreoffice6.0-freedesktop-menus-6.0.0.1-1.noarch.rpm (o libreoffice6.0-debian-menus_6.0.0.1-1_all.deb, respeutivamente, o asemeyáu). Esti ye un paquete pa toles distribuciones de Linux compatibles coles especificaciones/recomendaciones de Freedesktop.org (http://en.wikipedia.org/wiki/Freedesktop.org), y úfrese pa instalar n'otres distribuciones de Linux que nun se traten nes instrucciones anteriores.

Instalar un paquete d'idioma
----------------------------------------------------------------------

Descarga'l paquete d'idioma pal idioma y plataforma que quieras. Tan disponibles nel mesmu llugar que'l archivu principal d'instalación. Dende'l alministrador de ficheros Nautilus, estrái l'archivu descargáu en dalgún direutoriu (por casu, nel escritoriu). Tienes d'asegurate de que colasti de toles aplicaciones de LibreOffice (incluyíu QuickStarter, si tuviera executándose).

Cambia al direutoriu nel qu'estraxisti el paquete d'idioma descargáu.

Agora cambie al direutoriu que se creó nel procesu d'estraición. Por exemplu, pal paquete n'idioma asturianu d'un sistema de 32 bits basáu en Debian/Ubuntu, el direutoriu llámase LibreOffice_, más información de la versión, más Linux_x86_langpack-deb_ast.

Agora, cambie al direutoriu que contién los paquetes pa instalar. Nos sistemes basaos en Debian o Ubuntu, el direutoriu ye DEBS. Nos sistemes Fedora, openSuse o Mandriva, el direutoriu llámase RPMS.

Dende'l xestor de ficheros Nautilus, calque col botón drechu nel direutoriu y escueya'l comandu «Abrir nun terminal». Na ventana del terminal que vien d'abrir, execute'l comandu pa instalar el paquete d'idioma (con tolos comandos darréu, va pidir qu'escriba la contraseña del usuariu root):

Pa los sistemes basaos en Debian o Ubuntu: sudo dpkg -i *.deb

Pa los sistemes basaos en Fedora: su -c 'yum install *.rpm'

Pa los sistemes basaos en Mandriva: sudo urpmi *.rpm

Pa otros sistemes qu'usen RPM (openSuse, etc.): rpm -Uvh *.rpm

Execute agora una de les aplicaciones de LibreOffice - Writer, por casu. Entre nel menú Ferramientes y escueya Opciones. Nel cuadru de diálogu Opciones, calque en «Configuración de llingua» y, darréu, en «Llingües». Estenderexe la llista «Interfaz d'usuariu» y seleicione l'idioma que vien d'instalar. Si quier, faiga lo mesmo cola «Configuración llocal», la «Moneda predeterminada» y la «Llingua predeterminada pa los documentos».

Dempués d'axustar eses preferencies, calque Aceutar. Se zarrará'l cuadru de diálogu, y verá un mensaxe informativu diciendo que los cambeos namái s'activarán dempués de zarrar LibreOffice y volver a executalu (recuerde zarrar tamién QuickStarter si tuviera executandose).

La siguiente vez qu'executes LibreOffice, s'aniciará col idioma que vienes d'instalar.

----------------------------------------------------------------------
Problemes al aniciar el programa
----------------------------------------------------------------------

Les dificultaes p'aniciar LibreOffice (p.ex. aplicaciones colingaes) asina como los problemes cola vista en pantalla de vezu los causa'l controlador de la tarxeta gráfica. Si ocurren estos problemes, por favor, anueve'l controlador de la tarxeta gráfica o intente usar el controlador de gráficos que vien col sistema operativu. Les dificultaes p'amosar oxetos en 3D de vezu puen iguase desactivando la opción «Usar OpenGL» en «Ferramientes - Opciones - LibreOffice - Ver - Vista 3D».

----------------------------------------------------------------------
Combinación de tecles
----------------------------------------------------------------------

Only shortcut keys (key combinations) not used by the operating system can be used in LibreOffice. If a key combination in LibreOffice does not work as described in the LibreOffice Help, check if that shortcut is already used by the operating system. To rectify such conflicts, you can change the keys assigned by your operating system. Alternatively, you can change almost any key assignment in LibreOffice. For more information on this topic, refer to the LibreOffice Help or the Help documentation of your operating system.

----------------------------------------------------------------------
Bloquéu de ficheros
----------------------------------------------------------------------

El bloquéu de ficheros ta activáu en LibreOffice de mou predetermináu. Nes redes qu'usen el protocolu de Sistema de ficheros de rede (NFS), el degorriu de bloquéu pa veceros NFS tien de tar activu. Pa desactivar el bloquéu de ficheros edita'l ficheru de comandos soffice y camuda la llinia "export SAL_ENABLE_FILE_LOCKING" a "# export SAL_ENABLE_FILE_LOCKING". Si desactives el bloquéu de ficheros, l'accesu d'escritura sobro un documentu nun se restrinxe namái al usuariu que lu abrió primero.

----------------------------------------------------------------------
Rindimientu gráficu
----------------------------------------------------------------------

De mou predetermináu, LibreOffice prefier unos gráficos ameyoraos antes que la velocidá. Si esperimenta lentitú colos gráficos, pue sirvir d'ayuda desactivar «Ferramientes - Opciones - LibreOffice - Ver - Usar antialias».

----------------------------------------------------------------------
Notes d'Acesibilidá Importantes
----------------------------------------------------------------------

Pa más información tocante les carauterístiques d'accesibilidá de LibreOffice visita http://www.libreoffice.org/accessibility/

----------------------------------------------------------------------
Asistencia al usuariu
----------------------------------------------------------------------

La páxina principal de sofitu en http://www.libreoffice.org/support/ ufre delles posibilidaes d'ayuda pa LibreOffice. Delles cuestiones puen tar yá contestaes - mira nel foru de la comunidá en http://www.documentfoundation.org/nabble/ o gueta nos archivos de la llista de corréu 'users@libreoffice.org' en http://www.libreoffice.org/lists/users/. De mou alternativu, pues unviar les tos cuestiones a users@libreoffice.org. Si quies suscribite a la llista (pa tener respuestes per corréu), unvia un corréu electrónicu baleru a: users+subscribe@libreoffice.org.

Consulte tamién la seición d'entrugues Frecuentes (FAQ) en http://www.libreoffice.org/faq/.

----------------------------------------------------------------------
Reportar errores & problemes
----------------------------------------------------------------------

El nuesu sistema pa informar, siguir ya iguar fallos ye anguaño BugZilla, xentilmente agospiáu en https://bugs.libreoffice.org/. Encamentamos a tolos usuarios que se sientan bienveníos y con drechu a informar de los fallos que puedan apaecer na so plataforma en particular. L'informe decidíu de los fallos ye una de les collaboraciones más importantes que pue facer la comunidá d'usuarios al continuu desendolcu y ameyoramientu de LibreOffice.

----------------------------------------------------------------------
Implicase
----------------------------------------------------------------------

La Comunidá de LibreOffice podría beneficiase asgaya de la to participación activa nel desendolcu d'esti importante proyeutu de software abiertu.

Como usuariu, yá yes una parte pervaloratible del procesu de desendolcu d'esta suite y nos prestaría encamentate que xuegues un papel entá más activu, col envís de facete collaborador a llargu plazu de la comunidá. Xúntate y mira la páxina de collaboración en http://www.libreoffice.org/contribution/

Cómo entamar
----------------------------------------------------------------------

La meyor manera de principiar la collaboración ye suscribite a una o más de les llistes de corréu, chisbar un tiempu y, adulces, usar los archivos de corréu p'afayate colos diversos temes trataos dende que se lliberó'l códigu fonte de LibreOffice n'ochobre de 2000. Cuando teas más cómodu, tolo que necesites ye unviar un corréu electrónicu de presentación y ponete cola xera. Si tas asináu a los proyeutos de códigu abiertu, pues ver les llistes de xeres pendientes en http://www.libreoffice.org/develop/, y ver si hai dalgo no que te prestaría ayudar.

Soscribi
----------------------------------------------------------------------

Equí tán delles llistes de corréu a les que te pues suscribir en http://www.libreoffice.org/contribution/

* Noticies: announce@documentfoundation.org *s'encamienta pa tolos usuarios* (tráficu llixeru)
* Llista d'usuarios principal: users@global.libreoffice.org *mou fácil d'escucar los alderiques* (tráficu altu)
* Proyeutu de mercadoteunia: marketing@global.libreoffice.org *más alló del desendolcu* (tráficu mediu)
* Llista xeneral pal desendolcu: libreoffice@lists.freedesktop.org (tráficu intensu)

Xunise a un proyeutu o más
----------------------------------------------------------------------

Puedes faceer contribuciones pergrandes a esti proyeutu de códigu abiertu anque tengas poca esperiencia colos códigos o'l diseñu de software. ¡Sí, Tu!

Esperamos que te preste trabayar col nuevu LibreOffice 6.0 y que te xuntes con nós en llinia.

La comunidá de LibreOffice

----------------------------------------------------------------------
Códigu fonte usáu / camudáu
----------------------------------------------------------------------

Partes con Copyright 1998, 1999 de James Clark. Partes con Copyright 1996, 1998 Netscape Communications Corporation.