U DZA'ABAL K'AJOLTBIL U NOJ A'ALMAJ T'AANIL U NAJMAL WINIKO'OB
[Preamble]
Tumeen u kuxtal winik x-ma'a palitzilil, u chimpolta'al yetel u cha'abal u kuxtal yok'ol kaab ich jedz olal, ti' ku taal tu chimpolta'al u no'oja'anil kuxtal sijnal yetel winik bey je'ex xan sijnal u najmalmajil keet kuxtal, mixmak unaj u lu'sik ti' tulakal u winikil yok'ol kaabe',
Tumeen yo'lal ma' ojelta'an ku beetik u mixba'alkuunsa'al u najmalil u kuxtal winik, dzo'ok u beetik u yuchul seen k'aak'as ba'alo'ob tu tan u no'aja'anil u tuukul winik; yetel tumeen dzo'ok u ya'ala'al u jach nojochil ba'ax ku dziboltik winike', u kajtal yok'ol kaab tu'ux ka'a kuxlak luk'a'an u sajakil yetel x-ma'a otzilil, ka'a beyak u ya'alik ba'ax ku tukultik yetel u kili'ichkuunsik je'e makalmak Yumtzilil u k'ate',
Tumeen tun le najmal sijnal yetel winik jach k'a'abet u bo'oybesa'al tu yanal jump'el Noj A'almaj T'aan, u ti'al ma' u beeta'al u lik'il winik ba'ate'el tumeen u talamil kuxtal yetel u nuunsa'al,
Tumeen ku tukulta'al xan jach k'a'abet u kaxanta'al bix uchak u bisikuba ma'alob tulakal u kaajilo'ob yok'ol kaab,
Tumeen k-k'a'ajsik tulakal u kaajilo'ob Naciones Unidas, dzo'ok u dzibtiko'ob u mokt'aanil u chimpoltiko'ob le Najmal sijnal yetel winik, ichil u no'oja'anil yetel u beelal bey winike', beytun wa ko'olel wa xiib; yetel tumeen dzo'ok ya'aliko'ob yaan u chukpajal yolo'ob u kaxanto'ob u ma'alobtal u kuxtal winik yetel u jok'so'ob ichil otzilil ka'alikil u chimpoltiko'ob u kuxtal,
Tumeen le kaajo'ob taka'an dzo'ok u beetiko'on u Mok T'aanil yetel Organizacin ti' Naciones Unidas, ti'al u cimpola'al bey je'e unaj tulakal yok'ol kaab le Najmal Sijnal yetel winiko', bey je'ex u kuxtal x-ma'a palitzilil, yetel
Tumeen u k'ajolta'al le Najmal Sijnal yetel winik yetel bix uchak u kuxtal x-ma'a palitzilil jach tanil yaan ti'al ka'a beyak u dzo'okbesa'al le Mok T'aana',
Le NOJ MOLA'AYA' ku ya'alik
LE U NOJ A'ALMAJ T'AANIL le Najmal Sijnal yetel winika', jump'el ba'al jach k'a'abet u yila'al u dzo'okbesa'al tumeen tulakal u kaajilo'ob yok'ol kaab, tu'ux ka'a taakpajak winik yetle u mola'ayilo'ob, ti'al u ch'a'ak ti' leti' u noj tuukulil yetel u ka'ansiko'ob u chimpolta'al u kuxtal winik x-ma'a palitzilil yetel xan u beetiko'ob tulakal ba'ax ka'abet tu kaajalo'ob yetel tulakal yok'ol kaab tu'ux ka'a ila'ak u chimpolta'al yetel u dzo'okbesa'al ichil le kaajo'ob beetmajil u Mokt'aanilo' yetel xan ichil u mek'tan kaajilo'ob.
Artculo 1
Tulakal winik ku sijil jalk'ab yetel keet u tsiikul yetel Najmal Sijnalil, beytun xan na'ata'an sijnalil yetel no'oja'anil u tuukulo', k'a'abet u bisikuba bey laktzilil yetel tulakal u baatzile'.
Artculo 2
Tulakal winike' sijnal yetel le Najmalo'oba' beeyxan yetel u siibalil u kuxtal x-ma'a palitzilil bey je'ex u ch'a'achi'ita'al ti' le A'almaj T'aana', kex tumeen jela'an u ch'i'ibal, u boonlil u yoot'el, xiib wa ko'olel, wa jela'an u t'aan, u kili'ichkuunaj, u tuukul wa u lak' je'e ba'alake', tu'ux u taal, u kaajal wa max yetel ku much'ikuba, beyka'aj u ayik'alil, tu'ux sijnal wa je'e ba'alak u lak' ba'alile'.
Yetele', ma'atan u paykunta'al winik chen tumeen jela'an u tuukul, u Najmal Sijnalil wa u A'almaj T'aanil u kaajal, wa u Mek'tan kaajil tu'ux u taal, mix tumeen tanxelil tu'ux yaan u kaajal, wa yaan u jala'acho'ob wa taka'an ichil u lak' kaaj.
Artculo 3
Tulakal winike' Sijnal u Najmalmajil u kuxtal, ma' u palitzilta'al beeyxan ma' u lo'obol u winklal yetel u kaalanta'al u kuxtal.
Artculo 4
Mimak unaj u palitzilta'al mix u meyajtik u ba'al u lak' mak; palitzilil yetel u ko'onol winik ti'al meyaje' ti' u lak' mak x-ma'a bo'olile' wet'a'an.
Artculo 5
Mixmak ti' unaj u beeta'al loob, mix u nuumsa'al, u k'o'olol, wa u beeta'al u bo'otik u si'ipil bey ba'alche'e mix u t'onkiinta'al.
Artculo 6
Tulakal man sijnal u najmalmajil u chimpolta'al u kuxtal yetel u dzo'zkbesa'al le Najmal Sijnal yanil ti' ku ya'ala'al te'ej Noj A'almaj T'aano'obo'.
Artculo 7
Mixmak jela'an wa nojba'al tu tan le A'almaj T'aano'bo', beytuno' tulakal mak uchak u bo'oybesjuba tu yanal. Tulakal mak u najmalmaj u tokbesa'al tu tan je'e ba'alak nuumsajil ka'a si'ipik tu tan le Tzol T'aana', wa ti' je'e maxak ka'a lik'ik yol u beet le nuumsajo'.
Artculo 8
Tulakal mak sijnal u najmalmajil u tokbesa'al tu kuchil ti'ibilkunah tu kaajal, tu'ux ka'a ila'ak u chimpolta'al le Najmal Sijnal yetelo' yetel u dzo'okbesa'al le ba'ax ku ya'ala'al te'ej A'almaj T'aano'obo'.
Artculo 9
Mixmak unaj u k'a'alal wa ma'a u kant yetel u k'am u si'ipili', mix u tojolch'inta'al tu kaajal.
Artculo 10
Tulakal mak u najmalmaj, keet yetel je'e maxake', u yu'ubal'al u t'aan tumeen tulakal mak, wa ich ti'ibilile' ma' u makik u xikin max jo'olbesik ti' ba'ax ku ya'alik, ti'al ka'a je'edzek yetel utz u najmal mak yetel ba'ax k'a'abet u beetik, beeytun xan ti'al u ch'och'a'al je'e ba'alak takpoolil yaan tu yok'ole'.
Artculo 11
1. Tulkal mak ku ta'akal u poole' unaj u yax tukulta'al mina'an u si'ipil ka'alikil ma'a e'esa'ak yetel wa ma' u kant, bey je'ex u ya'ala'al te'ej A'alamaj T'aano'obo', yetel unaj u xa'ak'alta'al u tzikbe'enil tu tan kaaj ti'al yila'al wa yaan u si'ipil yetel xan u yila'al u tokbesa'al tumeen maxo'ob leti' u meyaj. 
2. Mixmak unaj u dza'abal u kuuch yetel u k'a'alal tu yo'lal ba'ax ku beetik, wa ba'a ma'atan u beetik, wa tu k'iinil u beetik wa u p'atik u beetike' ma'a wet'a'an wa dza'an bey yaan u si'ipilil tumeen u A'almaj T'aanil u kaajal wa je'e ba'alak kaajile'. 
Artculo 12
Mixmak yaan u pajtalil ti' u yokbesikuba tu kuxtal mix,ak, yetel u ch'i'ibalo'ob, ichil yotoch wa u wach'ik ju'un ku tuxta'alti', mix u nuumsik u k'aaba' yetel tsikbe'enil. Tulakal mak sijnal u najmatmajil u bo'oybesa'al tumeen A'almaj T'aan ti'al ma' yokbesikub mixmak tu kuxtal yetel ma' u nuumsa'al.
Artculo 13
1. Tulakal mak yaanti' u pajtalil u bin je'e tu'uxak u k'ate', beeyxan u jedzel kajtal je'e tu'uxak kaajil ichil u boj mek'tankaajale'. 
2. Tulakal mak yaanti' u pajtalil u jok'ol tu kaajal ti'al u bin je'e ba'alak kaajile', beeyan u suut tu kaajal. 
Artculo 14
1. Wa tan u ch'a'apachta'al wa u man u chu'ukile', tulakal mak sijnal u najmatmajil u k'a'amal je'e tu'uxak u lak' kaajile' yetel ma'a u jok'sa'ali'. 
2. Ba'ale' ma'atan u beytal u bo'oybesik mak wa tumeen jach tu jaajil yaan u si'ipil tu kaajal, beeyxan wa wet'a'an tumeen u A'almaj T'aan Naciones Unidas. 
Artculo 15
1. Tulakal mak sijnal u najmatmajil u kajtal ti' jump'el kaaj. 
2. Ti' mixmak uchak u luk'sa'al u kaajal, mix u luk'sa'alti' u pajtalil u k'exik u kaajal. 
Artculo 16
1. Xiibo'ob yetel ko'olelo'ob, le ken u chuk u ja'abil u dzo'okol u beelo'obe', u najmatmajo'ob, je'e ba'alak u ch'i'ibalo'obe', je'e tu'uxak u kaajalo'obe', je'e makalmak k'ujil ku kili'ichkuunsiko'obe', u dzo'okol u beelo'ob ti'al ka'a yanak u kuchkabalo'ob; yetel keet u najmalo'ob tu yo'lal u dzo'okol u beelo'ob, ka'alikil dzoka'an u beelo'ob wa le ken u p'atuba'ob. 
2. Chen yetel ka'a u dza u t'aan tu ka'atulal le max u k'at dzo'okol u beelo', uchak u yuchul le dzo'okol beelo'. 
3. Kuchkabale' leti' u chuun yetel yax bix u much'ikuba winik kajtal beytuno' k'a'ana'an u kalaanta'al tumeen tulakal kaaj yetel tumeen jala'acho'ob. 
Artculo 17
1. Tulakal mak sijnal u najmatmajil u yantal ba'al u ti'alinte, tu juunal wa much'kab. 
2. Mixmak uchak u luk'sik ba'al u ti'al mak. 
Artculo 18
Tulakal mak yaan u pajtalil u tukultik je'e ba'alak u k'ate', je'e bixak u k'ate' yetel u kili'ichkuunsik je'e makalak K'ujil u k'ate'; bey xan u k'exik u kili'ichkuunaj wa u tuukul je'e ba'alak k'iin u k'ate', beytun xan u dzak ojeltbil u kili'ichkuunaj yetel ba'ax ku tukultik, tu juunal wa much'kab, beytun tu tan kaaj wa tu juunal, ti'al u kanik, u takpajal wa u dzo'okbesik.
Artculo 19
Tulakal mak yaanti' u pajtalil u tukultik yetel u ya'alik le ba'ax u k'ate'; le najmala' ku ya'alik ma' u chi'ichnak-kuunsa'al mak chen tu yo'lal bix u tuukul, beytun u xak'al kaxantik ba'ax k'a'abet u yojeltik, u k'amik nu'uktaj yetel u dzak k'ajoltbil ti' tulakal yok'ol kaab yetel je'e ba'alak wa je'e bixak ku pajtale'.
Artculo 20
1. Tulakal mak sijnal yetel u pajtalil u much'ikuba yetel u nupikuba yetel je'e maxak ka'alikil ma'atan u beetik k'aas ti' mixmak yetele'. 
2. Mixmak unaj u beeta'al u takpajal ti' mixba'al yetel u nuch'ikuba yetel mixmak wa ma' u k'ati'. 
Artculo 21
1. Ti' tulakal mak yaan u pajtalil u takpajal ichil u jala'achil u kaajal, wa leti' ka'a u beet u jala'achil wa ka'a takpajak ti'al paykunsa'al u jala'chil. 
2. Tulakal mak sijnal u najmatmajil u takpajal, bey je'e maxak, ichil u mayej jala'ach. 
3. U nij jala'achil jump'el kaaje' u kajnalilo'ob; beytuno' leti'ob k'a'abet u paybesik u jala'acho'ob le ken k'uchuk tu k'iinil, tu'ux tulakal mak unaj u tukultik tu juunal max u k'at u dza jala'achil. 
Artculo 22
Tulakal mak, tumeen taka'an ichil jump'el kaaje', sijnal u najmatmajil u kaalanta'al, yetel u dza'aba'alti', tumeen u kaajal yetel u yantiaj u lak' kaajo'ob tu yok'ol kaabe', le ba'ax k'a'abetti' ti'al u kuxtale', ti'al u beytal u kuxtal ti' jump'el kkaj yetel u ye'esik u chikul u kuxtal, bey je'ex ku k'a'abetkuunsik u tsikbe'enil yetel u no'oja'anil u kuxtale'.
Artculo 23
1. tulakal mak sijnal u najmatmajil u dza'abal meyajti', u tetik ba'a meyajil u k'at u beet bey je'e maxake', ka'a kuxlak yetel u meyajm yetel u kaalaanta'al ma' u luk'sa'al meyajiti'. 
2. Tulakal mak sijnal u najmatmajil u najal bey je'ex u najal je'e maxak ku beetik jump'el meyaj bey je'ex le ku beetiko'. 
3. Tulakal mak ku neyaje' sijnal u najmatmajil u bo'ota'al le beyka'aj ku bo'ota'al u lak' maxo'ob beetik le mayaj ku beetiko', uchak u najaltik nonoj u ti'al u kuxtal ma'alob yetel kuchkabal, ka'a dza'abakti' le beyka'aj k'a'abet ti'al u ma'alob kuxtal bey je'ex k'a'ana'an ti' u tzikbe'enil winike', yetel wa 